NAJNOVĚJŠI ČLANKY

NAJČITAJEMI ČLANKY

Martin Strel-fenomenalnij plavec / Мартин Стрел-феноменалниј плавец

Martin Strel je žijuča legenda i  fenomenalnij maratonskij  plavec  rodienij 1.  Oktobra 1954 v gradie Mokronog (Slovenija). Мартин Стрел је  жијуча легенда и  феноменалниј маратонскиј  плавец  родіениј 1. Октобра 1954 в градіе Мокроног (Словенија).

 

Naš modernij sviet ne imaje više ljudij vierujučih v sudbinu. Ale Ja imaju jedno važne pytanije. Ako-li jest niekto rodien v gradie Mokro-nog  i  prijme po svih predkah imeno Strel (ot streliti), što iz njego v budučim može byti ? Otgovorenije za vsih jest nad s’lnce jasno. V osobie Martina imaje sviet fenomenalnego plavca poražajučego največi reky.

Наш модерниј свіет не имаје више људиј віерујучих в судбину. Але  Ја имају једно важне пытаније. Ако-ли јест ніекто родіен в градіе Мокро-ног  и  пријме по свих предках имено Стрел (от стрелити), што из њего в будучим може быти ? Отговореније за всих јест над сълнце јасно. В особіе Мартина имаје свіет феноменалнего плавца поражајучего највечи рекы.

P’rva reka poražena hrabrim slovinskim plavcom je byla reka zvana Krka v letie 1992 ( jej d’lgota jest 105km ) ležuča v jego domovinie.
Druga je byla reka Dunaj (Danube) v letie 2000. Dunaj imaje d’lgotu 2860km /1780 mil. Martin je preplaval reku Dunaj v 58 dnah i zato je dobil svietovij rekord v plavaniji na udalenostj. V Juliji 2001 je dobil drugij rekord, kogda je preplaval  na rekie Dunaji d’lgotu 504,5km za 84 časin i 10 minut bezpreryvno.
Drugi reky poklonivši svoju g’lavu pred slovinskim junakom sut byly Mississippi ( 2002, USA, 3797km ), Paraná (2003, Argentina, 1930km ), Jangtze ( 2004, China, 4003km ).

Първа река поражена храбрим словинским плавцом је была река звана Крка в летіе 1992 ( јеј дългота јест 105км ) лежуча в јего домовиніе.
Друга је была река Дунај ( Данубе ) в летіе 2000. Дунај имаје дълготу 2860км /1780 мил. Мартин је преплавал реку Дунај в 58 днах и зато је добил свіетовиј рекорд в плаванији на удаленость. В Јулији 2001 је добил другиј рекорд, когда је преплавал  на рекіе Дунаји дълготу 504,5км за 84 часин и 10 минут безпрерывно.
Други рекы поклонивши своју гълаву пред словинским јунаком сут былы Миссиссиппи ( 2002, УСА, 3797км ), Парана (2003, Аргентина, 1930км ), Јангтзе ( 2004, хина, 4003км ).

Največij uspeh je byla reka Amazonija ( 2007, Peru,  Brazil,  5268 km )  Martin jest p’rvij človiek na svietie preplavajučij reku Amazoniju ot početka do konca.
Reka Amazonija i džungla okolo sut p’lni divih zvierev i neprijatelskih prebyvateljev.  Martin je riskoval svoje žitije, reku porazil v 66 dnah (d’lgota reky je 5268km ) i tako je premienil istoriju.

Највечиј успех је была река Амазонија ( 2007, Перу,  Бразил,  5268 км )  Мартин јест първиј чловіек на свіетіе преплавајучиј реку Амазонију от почетка до конца.
Река Амазонија и джунгла около сут пълни дивих звіерев и непријателских пребыватељев.  Мартин је рисковал своје житије, реку поразил в 66 днах (дългота рекы је 5268км ) и тако је преміенил историју.

Vsim ljudim na svietie je otkryl možlivostj dosegnuti svojih snov kogda budut imati silnu volju i kogda budut nepreryvno postupati vpred.
Martin ne jest toliko samo dobrij plavec, no takože velikij bojovnik za čistu prirodu i hoče namieriti našu pozornostj na velikij problem znečištjenja naših rek, morjej, lesov i celej prirody.

Всим људим на свіетіе је открыл можливость досегнути својих снов когда будут имати силну вољу и когда будут непрерывно поступати впред.
Мартин не јест толико само добриј плавец, но такоже великиј бојовник за чисту природу и хоче наміерити нашу позорность на великиј проблем знечиштьења наших рек, морјеј, лесов и целеј природы.

O najuspešniejšim plavci je bylo udielano i napisano niekoliko filmov i knig .
Filmy: 1) Eye to Eye, Mississippi swim iz leta 2002,  2) Big River Man  ( p’rva cijena na Sundance film festivalie, 2009),  Knigi : 1) Martin Strel in the Mississippi,  2) The Man who Swam the Amazon.

О најуспешніејшим плавци је было удіелано и написано ніеколико филмов и книг .
Филмы: 1) Еые то Еые, Миссиссиппи свим из лета 2002,  2) Биг Ривер Ман  ( първа цијена на Сунданце филм фестиваліе, 2009),  Книги : 1) Мартин Стрел ин тхе Миссиссиппи,  2) Тхе Ман вхо Свам тхе Амазон.

Martin iz Mokronog / Мартин из Мокроног


Martina bude možno vidieti na filmovem festivalie CAMINOS 
http://www.zkracovatko.cz/FWHBBR v gradie Karlovy Vary ( rep. Česka ), kdie je prijmul učestije i bude glavnim zagraničnim gostom festivala. Na festivalie jest možno vidieti film,  Big River man (90 min) i posle filma besedovati s Martinom.

Мартина буде можно видіети на филмовем фестиваліе ЦАМИНОС в градіе Карловы Вары ( реп. Ческа ), кдіе је пријмул учестије и буде главним заграничним гостом фестивала. На фестиваліе јест можно видіети филм,  Биг Ривер ман (90 мин) и после филма беседовати с Мартином.

 

http://www.zkracovatko.cz/RuOJgG

{gitube vid:=ce432_JmdB8&feature=player_embedded}

 

 

Kontaktujte Swimming adventure holidays! 
http://www.strel-swimming.com/)

{gitube vid:=Zv4XSLOtDyA}


{gitube vid:=_wd8dr2h0kY&feature}

(ns)

petek, 18. August 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV