NAJNOVĚJŠI ČLANKY

NAJČITAJEMI ČLANKY

Medžunarodna konferencija CISLa 2017

CISLa 2017 (Conference on InterSlavic Language 2017) jest prvo medžunarodno zasědanje ljudij, ktori uže mnogo lět sorabotajut na Internetu. Smyslom konferencije jest strětiti jedin drugogo, bezposrědny obměn pogledov, vzajemna inspiracija, i glubočejša sorabota do dalečejšego razvitija našego občego interesa, ktorymi sut skonstruovani jezyky, vključajuč možnost jih širenja do praxi.

Cělju CISLa 2017 jest otvoriti prostor za besedu na izraženja inovativnih mněnjej do mežunarodnoj komunikacije slověnskih narodov v uslovjah modernogo globalizirovanogo světa. Budemo besedovati slědujuče prědměty: Jezyčni problemy v gradžanskoj participaciji, e-demokraciju, prěvod znalostij, komunikačni udobnomožnosti do specifičnih oblastij ekonomije različnih držav, kako jest turistika i digitalna ekonomija, i možnosti podpora koristjenja skonstruovanih jezykov za pobudjenje razvitija europskoj identičnosti i solidarity.

CISLa 2017 jest častju četvrtogo izdanja medžunarodnogo festivala Dny Slověnskoj Kultury, jegože cěl jest vazpominati prihod svetih Cyrila i Methodija na Velikomoravsku državu lěta 863. Lěto 2017 jest posvetjeno poljskoj i hrvatskoj kulturam. Lěto 2017 jest takože godinoju lingvistov, medžu ktorimi UNESCO proslavuje dvě značne jubileje: 100 lět ot smrti Ludwika Zamenhofa - poljskogo tvorca Esperanta, i 400 lět ot smrti hrvatskogo naučnika, techničskogo izmyslitela i lingvista Fausta Vrančića, ktory jest takože autorom prvogo slovnika hrvatskogo jezyka i tvorcom pravopisanja, ktoro se dodnes koristi v madjarskom jezyku. Radi tomu jest konferencija CISLa 2017 posvetjena tutěm dvěm osobnostim.

Zonalni konstruovani jezyky sut jezyky dělani do umožlivenja komunikacije medžu govorjučimi iz istoj grupy sebě blizkih narodnih jezykov. Oni sut podgrupoju medžunarodnih pomočnih jezykov, ktori ne sut prioritno prěznačeni služiti kako jezyky do vsego světa, ale samo do někakoj lingvistično ili geografično limitovanoj oblasti. Najbolje množinstvo v tutoj kategoriji sut pomočni medžuslověnski jezyky. Najstarějši znajemy priměr jest Ruski jezik ot hrvatskogo duhovnika Juraja Križanića (1618 - 1683), ale prvy literarny slověnsky jezyk dělany ot svetih Cyrila i Methodija v 9-om stolětji takože iměje črty zonalnogo konstruovanogo jezyka. V sumě v tečeniji ot 17-ogo do 21-ogo stolětja bylo izrabotano vyše ot 50 takih pomočnih slověnskih jezykov. Zonalni konstruovani jezyky voobče imějut veliku prědnost v tom, že jim ljudi iz danoj grupy razumějut bez velikogo učenja. Dokazom togo tvrdjenja, medžu mnogo drugimi, jest text na tutih webovih stranicah, ktore sut pisani v medžuslověnskom zonalnom jezyku.

Glavna adresa konferencije jest http://CISLa.slavic-union.org/

Beseda o konferenciji na Facebooku jest http://www.facebook.com/events/147033099054424/

 

nedělja, 30. April 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV