NAJNOVĚJŠI ČLANKY

NAJČITAJEMI ČLANKY

Slovjanski koncert s želanjami 17. 5. / Словјански концерт с желанјами 17. 5.

Uvažimi i ljubimi prijateli, srdečno vas pozyvaju k slušanju uže tretjego Slovjanskogo koncerta s želanjami na radiu Dupa FM. Program bude transmitovany na medžuslovjanskom jezyku v subotu 17. 5. 2014 od 18:00 srednjeevropskogo vremene (19:00 ukrajinskogo, bělorusskogo i bulgarskogo, 20:00 moskovskogo vremene).

Zapis koncerta jest tu:

http://www.tyflonet.com/siciliano/Slovjanski_koncert_s_zelanjami_17_05_2014.mp3

Iznova v njem budu prezentovati različnu, glavno narodnu muziku iz slovjanskih držav. Jestli hočete črez radio někogo pozdraviti ili někomu něčto zaželati, možete pisati uže sejčas na E-mail This email address is being protected from spambots. You need JavaScript enabled to view it. V vremeni živoj transmisije bude aktivny takože naš radiovy Skype. Pisati i govoriti možete na kakom-libo slovjanskom jezyku, najlěpěje na tom, ktory jest vam najblizši. Kromě pozdravov i želanj se budu radovati, jestli odgovorite takože na slědujuče anketne pytanja:

  1. Igrali jeste, igrajete ili hočete igrati na někakom muzičnom instrumentu? I jestli da, na kakom?
  2. Kako često pěvajete?

V oboh pytanjah govorju kako o volnom vremeni, tako i o vyše oficialnoj i profesionalnoj dějatelnosti.  Radio Dupa FM možete slušati pomočju playlistov, ktore posilaju s tutym mailom. Ne jest važno, ktory playlist budete koristiti, no drugi fajl označeny  slovom „low“ (nizki) imaje gorši zvuk i posilaju jego osoblivo dlja tyh iz vas, ktori imajut slabši internet.  Jestli ne budete možti v subotu slušati, po transmisiji bude dostupno nagranje (zvukovy zapis).  Budu čakati vaše pisma i telefony.

S srdečnym pozdravom
Roberto Lombino

fajl s radiom: DupaFM.m3u (dobry internet) ili DupaFM-low.m3u (goršy internet) ili link: http://tyflonet.com:8479/listen.pls


запис концерта ɪест ту:

http://www.tyflonet.com/siciliano/Slovjanski_koncert_s_zelanjami_17_05_2014.mp3


Уважими и льубими пријатели,

срдечно вас позывају к слушанју уже третьего Словјанского концерта с желанјами на радиу Дупа ФМ. Програм буде трансмитованы на меджусловјанском језыку в суботу 17. 5. 2014 од 18:00 средньеевропского времене (19:00 украјинского, белорусского и булгарского, 20:00 московского времене). Изнова в ньем буду презентовати различну, главно народну музику из словјанских држав. Јестли хочете чрез радио некого поздравити или некому нечто зажелати, можете писати уже сејчас на e-mail This email address is being protected from spambots. You need JavaScript enabled to view it. и в времени живој трансмисије буде активны такоже наш радиовы Скајп. Писати и говорити можете на каком-либо словјанском језыку, најлепеје на том, кторы јест вам најблизши. Кроме поздравов и желань се буду радовати, јестли одговорите такоже на следујуче анкетне пытанја: 

  1. Играли јесте, играјете или хочете играти на некаком музичном инструменту? И јестли да, на каком?
  2. Како често певајете?

В обох пытанјах говорьу како о волном времени, тако и о выше официалној и професионалној дејателности. Радио Дупа ФМ можете слушати помочју плејлистов, кторе посилају с тутым мејлом. Не јест важно, кторы плејлист будете користити, но други фајл означены словом „low“ (низки) имаје горши звук и посилају јего особливо дльа тых из вас, ктори имајут слабши интернет. Јестли не будете можти в суботу слушати, по трансмисији буде доступно награнје (звуковы запис). Буду чакати ваше писма и телефоны.


С срдечным поздравом
Roberto Lombino

nedělja, 30. April 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV